മറ്റുള്ളവരിലെ നന്മയെക്കുറിച്ച് പ്രശംസിക്കാനും അവരിലെ നന്മയുടെ ഭാഗമായി നിലയുറപ്പിക്കാനും എല്ലാവര്‍ക്കും താല്പര്യമുണ്ട്. എന്നാല്‍ സ്‌നേഹിക്കുന്നവരുടെ പോലും കുറ്റങ്ങളോ കുറവുകളോ അംഗീകരിക്കാന്‍ നമുക്ക് കഴിയാറില്ല. സത്യത്തില്‍ ഒരാളുടെ നന്മയെ അംഗീകരിക്കാന്‍ കഴിയുമെങ്കില്‍, അയാളെ നാം സ്‌നേഹിക്കുന്നുണ്ടെങ്കില്‍ ആ വ്യക്തിയുടെ ദോഷങ്ങളും കുറവുകളുംനാം അംഗീകരിക്കേണ്ടതുതന്നെയാണ്. പക്ഷേ എന്തുചെയ്യാം,നമുക്കത് സാധിക്കാറില്ല. ഇങ്ങനെയൊരു വിഷമം യേശുവിന്റെ ശിഷ്യന്മാര്‍ക്കുമുണ്ടായിരുന്നു. യേശുവിന്റെ കണ്ണുകളിലൂടെ എന്ന പുസ്തകത്തിലാണ് ഇതേക്കുറിച്ച് വിശദീകരിച്ചിരിക്കുന്നത്. യാക്കോബിന്റേതായിരുന്നു ആ ചോദ്യം.
കര്‍ത്താവേ ഒരുവനിലെ നന്മ മാത്രം ദര്‍ശിച്ച് തിന്മയില്‍ അസ്വസ്ഥനാകാതിരിക്കാന്‍ എങ്ങനെ സാധിക്കും?
അതിന് ഈശോ പറയുന്ന മറുപടി ഇങ്ങനെയാണ്.
‘
അതിനുള്ള കൃപയ്ക്കായി പ്രാര്‍ത്ഥിക്കണം. ഏതെങ്കിലുംതരത്തില്‍ എല്ലാവരും പാപികളാണെന്ന് ഓര്‍മ്മിക്കുകയുംവേണം. പിന്നെ എങ്ങനെയാണ് മറ്റൊരാളിനെ നിങ്ങള്‍ക്ക് വിധിക്കാനും പഴിക്കാനും കഴിയുക’
ഈശോയുടെ ഈ മറുപടി നമുക്കു ധ്യാനിക്കാം.
