മേരി എന്ന നാമം ചുണ്ടില്‍ തേന്‍ എന്നതുപോലെ മാധൂര്യമേറിയതാണ്. ഏറ്റവും മധുരതരമായ സംഗീതത്തെക്കാള്‍ അത് കാതിന് ഇമ്പകരവുമാണ്. ഏറ്റവും ശുദ്ധിയുള്ള സന്തോഷം അത് പ്രദാനം ചെയ്യുകയും ചെയ്യുന്നു.
പരിശുദ്ധ അമ്മയെക്കുറിച്ച് പാദുവായിലെ വിശുദ്ധ അന്തോനീസ് പറഞ്ഞിരുന്ന വാക്കുകളാണ് ഇത്. ജീവിതകാലം മുഴുവന്‍ പരിശുദ്ധ അമ്മയോട് വിശുദ്ധന്‍ ഭക്തിയും സ്‌നേഹവും പുലര്‍ത്തിയിരുന്നു. നിര്‍മ്മലഹൃദയത്തോടെ, പാപലേശമില്ലാതെ എല്ലാ ദിവസവും മൂന്നു നന്മ നിറഞ്ഞ മറിയമേ ചൊല്ലി പ്രാര്‍ത്ഥിക്കുന്നത് ഏറെ അത്ഭുതങ്ങള്‍ക്ക് ഇടയാക്കും എന്നതായിരുന്നു വിശുദ്ധന്റെ വിശ്വാസം. പ്രത്യേകിച്ച് വൈകുന്നേരങ്ങളില്‍ ഈ പ്രാര്‍ത്ഥന ചൊല്ലുന്നത് ഏറെ നന്മകള്‍ക്ക് കാരണമാകുകയും ചെയ്യുമെന്ന് അന്തോണീസ് വിശ്വസിച്ചു.
അതുകൊണ്ട് നമുക്കും ഇനിമുതല്‍ നിര്‍മ്മലഹൃദയത്തോടെ എല്ലാ ദിവസവും വൈകുന്നേരങ്ങളില്‍ മൂന്നു നന്മ നിറഞ്ഞമറിയമേ ചൊല്ലി മാതാവിന്റെ മാധ്യസ്ഥത്തിനായി പ്രത്യേക നിയോഗങ്ങള്‍ സമര്‍പ്പിക്കാം.
