പലവിധത്തിലുള്ള കഷ്ടപ്പാടുകളുടെ അനുഭവങ്ങളിലൂടെ കടന്നുപോകുന്നചിലരെങ്കിലും ഈ കുറിപ്പ് വായിക്കുന്നുണ്ടാവും.അവരോട് ആ്ദ്യമേ തന്നെ പറയട്ടെ,വിശ്വാസത്തിന്റെ കണ്ണിലൂടെനോക്കിക്കാണാനുളള കൃപയുണ്ടെങ്കില്‍ നിങ്ങളുടെ കഷ്ടതകള്‍ ഒന്നും വെറുതെയല്ല.
വിശുദ്ധ ഗ്രന്ഥത്തിന്റെ വരികളിലൂടെ കടന്നുപോകുമ്പോഴും വിശുദ്ധരുടെ ജീവിതങ്ങളിലൂടെ കടന്നുപോകുമ്പോഴും നാം തിരിച്ചറിയുന്ന കാര്യമാണത്. കഷ്ടതകളിലുംഅഭിമാനിക്കേണ്ടവരാണ് നാം. റോമ 5:3 ഇക്കാര്യം പറയുന്നുണ്ട്.
തുടര്‍ന്ന് വചനം രേഖപ്പെടുത്തുന്നത് ഇപ്രകാരമാണ് .
എന്തെന്നാല്‍ കഷ്ടത സഹനശീലവും സഹനശീലം ആത്മധൈര്യവും ആത്മധൈര്യം പ്രത്യാശയും ഉളവാക്കുന്നു എന്ന് നാം അറിയുന്നു. പ്രത്യാശ നമ്മെ നിരാശരാക്കുന്നില്ല. കാരണം നമുക്ക് നല്കപ്പെട്ടിരിക്കുന്ന പരിശുദ്ധാത്മാവിലൂടെ ദൈവത്തിന്റെ സ്‌നേഹം നമ്മുടെ ഹൃദയങ്ങളിലേക്ക് ചൊരിയപ്പെട്ടിരിക്കുന്നു( റോമ 5:4,5)
സ്‌നേഹത്തോടെയും സന്തോഷത്തോടെയും നാം സഹിക്കുന്ന കഷ്ടതകള്‍ക്ക് ദൈവം തീര്‍ച്ചയായും പ്രതിഫലം നല്കും.
അതുകൊണ്ട് കഷ്ടതകള്‍ക്ക് മുമ്പില്‍ നഷ്ടധൈര്യരാകാതെ,പിറുപിറുക്കാതെ,നിരാശരാകാതെ ജീവിക്കാനുളള കൃപയ്ക്കുവേണ്ടിയാണ് നാം ആദ്യം പ്രാര്‍ത്ഥിക്കേണ്ടത്. അങ്ങനെയൊന്ന് സംഭവിച്ചുകഴിയുമ്പോള്‍ മറ്റുള്ളതെല്ലാം നമ്മുടെ ജീവിതത്തിലേക്ക് കൂട്ടിചേര്‍ത്ത് നല്കപ്പെടും.
