എല്‍സാല്‍വദോറില്‍ നടന്ന വിശ്വസുന്ദരി മത്സരത്തില്‍ ഇത്തവണ കിരീടം ചൂടിയത് ഷെന്നീസ് പാലസിയോസ് എന്ന 23 കാരിയാണ്. നിക്കരാഗ്വക്കാരിയാണ് ഈ പെണ്‍കുട്ടി. കത്തോലിക്കസഭയെ പീഡിപ്പിച്ചുകൊണ്ടിരിക്കുന്ന സേച്ഛാധിപതി ഡാനിയേല്‍ ഓര്‍ട്ടെഗയാണ്് ഈ രാജ്യത്തിന്റെ തലവന്‍. ഇത്തരമൊരു സാഹചര്യത്തിലാണ് ക്രിസ്ത്യാനിയും പ്രത്യേകിച്ച് കത്തോലിക്കയുമായ ഷെന്നീസിന്റെ വിശ്വസുന്ദരിപ്പട്ടം ചര്‍ച്ചയാകുന്നതും. നിക്കരാഗ്വയെ സംബന്ധിച്ചിടത്തോളം ഈ നേട്ടം അവിസ്മരണീയമായിരുന്നു. കാരണം ആദ്യമായിട്ടാണ് ഒരു നിക്കരാഗ്വക്കാരി വിശ്വസുന്ദരിയാകുന്നത്. കിരീടധാരണ വേളയില്‍ വിശ്വസുന്ദരി പറഞ്ഞ വാക്കുകള്‍ ഇപ്പോള്‍ വൈറലായി മാറിയിരിക്കുകയാണ്.
ഞാനൊരു ക്രിസ്ത്യാനിയാണ്,കത്തോലിക്കയാണ്.പ്രാര്‍ത്ഥനയെന്നെ സംബന്ധിച്ചിടത്തോളം വലിയൊരു ആശ്വാസമാണ്. ഞാന്‍ ഈ നേട്ടത്തിന് ദൈവത്തിന് നന്ദി പറയുന്നു. കാരണം ഇതെന്റെ കിരീടമല്ല ദൈവത്തിന്റേതാണ്. ദൈവത്തിന് വേണ്ടിയുള്ളതാണ്.
ഇതായിരുന്നു വിശ്വസുന്ദരിയുടെ വാക്കുകള്‍
