സ്പെയ്ന്: സ്പെയ്നിലെ ഓരിഹുയേല- അലികാന്റെ രൂപതയിലെ ദേവാലയത്തില് നിന്ന് മോഷണംപോയ വസ്തുക്കള് മോഷ്ടാവ് തിരികെയേല്പിച്ചു. പശ്ചാത്തപിച്ച് കുമ്പസാരിച്ചതിന് ശേഷം മോഷണവസ്തുക്കള് തിരികെയേല്പിക്കുകയായിരുന്നു. ബിഷപ് ജോസ് മുനില തന്റെ സിക്സ് കോണ്ടിനന്റ് എന്ന പ്രോഗ്രാമിലൂടെയാണ് ഇക്കാര്യം അറിയിച്ചത്.
തിങ്കള് മുതല് വെളളിവരെ അദ്ദേഹം നടത്തുന്ന റേഡിയോ പ്രഭാഷണമാണ് ഇത്. ഇതിലാണ് മോഷ്ടാവിന്റെ മാനസാന്തരകഥ അദ്ദേഹം വിശദീകരിച്ചത്. നവംബര് അഞ്ചിനാണ് ക്വിറോണ് ഹോസ്പിറ്റലിലെ ചാപ്പലില് നി്ന്ന് മോഷണം പോയത്. ദിവ്യകാരുണ്യത്തോടുകൂടിയ സക്രാരിയും അള്ത്താരയിലെ കുരിശും കാസയും പീലാസയും മറ്റുമാണ് മോഷണം പോയത്.
മാനസാന്തരം വന്ന് മോഷ്ടാവ് സാധനങ്ങള് തിരികെ തന്നത് ദൈവത്തിന്റെ പ്രവൃത്തിയാണെന്നും അവിടുന്ന് മോഷ്ടാവിന്റെ ഹൃദയത്തില് സ്പര്ശിച്ചുവെന്നും യഥാര്ത്ഥ പരിഹാരം എന്നത് പശ്ചാത്താപമാണെന്നും ബിഷപ് പ്രഭാഷണത്തില് പറഞ്ഞു.