ഡബ്ലിന്‍: വൃദ്ധകന്യാസ്ത്രീകള്‍ താമസിക്കുന്ന അയര്‍ലണ്ടിലെ കര്‍മ്മലീത്ത മഠം പട്ടാപ്പകല്‍ ആക്രമിക്കപ്പെട്ടു. ചാപ്പലിന് നേരെ ആക്രമണം നടത്തിയ സംഘം കന്യാസ്ത്രീകളെയും ഭയാകുലരാക്കി. ഡബ്ലിനില്‍ നിന്ന് പത്തു മൈല്‍ അകലെയുള്ള സമുദ്രതാരകം മൊണാസ്ട്രിയിലാണ് അനിഷ്ടസംഭവം അരങ്ങേറിയത്. ഉച്ചകഴിഞ്ഞ് ഒരു മണിക്കായിരുന്നു സംഭവം.
Related Posts
പട്ടാപ്പകല്‍ നടന്ന ഈ സംഭവം പ്രദേശവാസികളെയും ഞെട്ടിച്ചു.സ്ഥാപനങ്ങള്‍ക്കെതിരെ അക്രമം നടക്കുന്നത് ഒരിക്കലും ന്യായീകരിക്കാനാവുന്നതല്ല. അതിലും മോശകരമായ കാര്യമാണ് കന്യാസ്ത്രീകള്‍ക്ക് നേരെ നടന്നത്. പാര്‍ലമെന്റ് അംഗമായ ഡാരാ ഒ ബ്രിയെന്‍ ഡബ്ലിന്‍ ലൈവിനോട് പറഞ്ഞു.
ഇത്തരത്തിലുള്ള ആക്രമണം ഒരു ആശ്രമത്തിന് നേരെ നടക്കുന്നത് ആദ്യമാണെന്നും ഇത് എല്ലാവരെയും ഞെട്ടിച്ചുവെന്നും അദ്ദേഹം തുടര്‍ന്നുപറഞ്ഞു.
പോലീസ് അന്വേഷണം ആരംഭിച്ചുവെങ്കിലും അറസ്റ്റ് നടന്നിട്ടില്ല.
