അച്ചന്റെ പ്രസംഗം നീണ്ടുപോകുന്നു, വലിച്ചു നീട്ടിപറയുന്നു എന്നെല്ലാം വികാരിയച്ചന്മാരുടെ പ്രസംഗങ്ങളെക്കുറിച്ച ദുഷിച്ചുപറയാത്തവര്‍ ആരെങ്കിലും ഉണ്ടെന്ന് തോന്നുന്നില്ല. എന്നാല്‍ കത്തോലിക്കാപള്ളികളിലെ ഹോമിലികള്‍ക്കാണത്രെ മറ്റ് ക്രൈസ്തവസഭകളുടെ ഹോമിലികളെക്കാള്‍ ദൈര്‍ഘ്യക്കുറവുള്ളത്. അമേരിക്കയിലെ പ്യൂ റിസേര്‍ച്ച് സെന്റര്‍ നടത്തിയ പഠനപ്രകാരം കണ്ടെത്തിയതാണ് ഇത്.
Related Posts
പ്രൊട്ടസ്റ്റന്റ് സഭകളിലെ ഹോമിലികള്‍ക്ക് 54 മിനിറ്റ് സമയമെടുക്കും. ഇവാഞ്ചലിക്കല്‍ സഭകളിലേതിന് 39 മിനിറ്റ്. മെയ്ന്‍ലൈന്‍ പ്രൊട്ടസ്റ്റന്റുകാര്‍ക്ക് 25 മിനിറ്റ്. എന്നാല്‍ കത്തോലിക്കാ ദേവാലയങ്ങളില്‍ 14 മിനിറ്റ് മാത്രവും.
അമേരിക്കയിലെ ഈ കണക്ക് നമ്മുടെ പല ദേവാലയങ്ങള്‍ക്കും ബാധകമാണല്ലോ. പതിനഞ്ച് മിനിറ്റില്‍ കൂടുതല്‍ നമ്മുടെ അച്ചന്മാര്‍ പൊതുവെ പ്രസംഗിക്കാറില്ലെന്ന് തോന്നുന്നു.
