പരിശുദ്ധ അമ്മയുടെ മിഡ് വൈഫായിരുന്നു എന്ന് വിശ്വസിക്കപ്പെടുന്ന സലോമിയുടെ ശവകുടീരം വിശ്വാസികള്ക്കായി തുറന്നുകൊടുക്കുന്നു.മാതാവിന്റെ പ്രസവസമയമടുത്തപ്പോള് യൗസേപ്പിതാവ് സലോമിയുടെ സഹായം തേടിയിരുന്നുവെന്നാണ് പാരമ്പര്യവിശ്വാസം.
സമ്പന്നമായ യഹൂദകുടുംബത്തിലെ ആളുടെ ശവകുടീരം പോലെയാണ് ഈ ശവകുടീരം കാണപ്പെടുന്നത്. 1982 ലാണ് ആദ്യമായി ഈ ശവകുടീരം കണ്ടെത്തിയത്. പ്രഫസര് ആമോസ് ക്ലോനറാണ് ഇവിടെ ആദ്യമായി പര്യവേക്ഷണം നടത്തിയത്. പരിപാവനമായ സ്ഥലമായിട്ടാണ് ഇത് കരുതപ്പെടുന്നത്. എങ്കിലും ഇവിടെ ഇതുവരെയായും പൊതുജനങ്ങള്ക്കായി തുറന്നുകൊടുത്തിരുന്നില്ല.
ബെദ്ലഹേമിലെ മിഡ് വൈഫായിരുന്നു സലോമി. ഉണ്ണീശോയുടെ തൊട്ടിലില് കൈവച്ചപ്പോള് അത്ഭുതകരമായ സൗഖ്യം സലോമിക്ക് ലഭിച്ചതായും പാരമ്പര്യവിശ്വാസത്തില് പറയുന്നു.