വര്‍ഷം 1830. ഫ്രാന്‍സ്. പടര്‍ന്നുപിടിച്ച കോളറയുടെ മുമ്പില്‍ ജനങ്ങള്‍ നിസ്സഹായരായി നോക്കിനിന്നു. ചികിത്സകള്‍ ഫലിക്കുന്നില്ല, രോഗം നിയന്ത്രണവിധേയമാകുന്നില്ല. ഈ സാഹചര്യത്തിലായിരുന്നു ദൈവികമായ ഒരു ഇടപെടല്‍.
വിശുദ്ധ കാതറിന്‍ ലബോറയ്ക്ക് പരിശുദ്ധ അമ്മ പ്രത്യക്ഷപ്പെട്ട് ഒരു അത്ഭുതകാശുരൂപം നല്കി. ഈ കാശുരൂപം ധരിച്ച് പ്രാര്‍ത്ഥിച്ചാല്‍ അത്ഭുതകരമായ രോഗസൗഖ്യം ഉണ്ടാവുമെന്ന് അമ്മ വാഗ്ദാനം നല്കി. അതനുസരിച്ച് ഫ്രാന്‍സിലെങ്ങും ഈ മെഡല്‍ വ്യാപിച്ചു. അത്ഭുത മെഡല്‍ എന്ന പേരിലാണ് ഇത് അറിയപ്പെട്ടത്.
ഇന്ന് ലോകത്തിന്റെ വിവിധഭാഗങ്ങളില്‍ ഈ മെഡല്‍ ഉണ്ട്. പക്ഷേ അധികമാര്‍ക്കും ഇതേക്കുറിച്ച് അറിയില്ലെന്ന് തോന്നുന്നു. ഇതേക്കുറിച്ച് അറിയില്ലാത്തവര്‍ക്ക് ഇക്കാര്യം പറഞ്ഞുകൊടുക്കുകയും ചെയ്യാം.ലോകത്തിന്റെ പലഭാഗങ്ങളില്‍ നിന്ന് പകര്ച്ചവ്യാധികള്‍ പൊട്ടിപ്പുറപ്പെട്ടിരിക്കുന്ന അവസരത്തില്‍ ഈ അത്ഭുതകാശുരൂപം ധരിച്ച് നമുക്ക് മാതാവിന്റെ സംരക്ഷണത്തിനായി മാധ്യസ്ഥം യാചിച്ച് പ്രാര്‍ത്ഥിക്കാം.
ചുവടെ പ്രാര്‍ത്ഥന കൊടുക്കുന്നു
ജന്മപാപമില്ലാതെ ഉത്ഭവിച്ച ശുദ്ധ മറിയമേ, പാപികളുടെ സങ്കേതമേ, ഞങ്ങളിതാ അങ്ങേ സങ്കേതത്തില്‍ അഭയത്തിനായി ഓടി അണയുന്നു.പാപികളായ ഞങ്ങള്‍ക്കുവേണ്ടി അങ്ങേ തിരുക്കുമാരനോട് പ്രാര്‍ത്ഥിക്കണമേ. ആമ്മേന്‍
