കൊളംബോ: ലോകമന:സാക്ഷിയെ പിടിച്ചുകുലുക്കിയ ശ്രീലങ്കയിലെ ചാവേറാക്രമണത്തെ തുടര്‍ന്ന് സെന്റ് സെബാസ്റ്റ്യന്‍സ് ദേവാലയം പുന:കൂദാശ ചെയ്തു. ഇന്നലെയാണ് ദേവാലയത്തിന്റെ കൂദാശ നിര്‍വഹിച്ചത്.
Related Posts
ഈസ്റ്റര്‍ ദിനത്തിലാണ് ഇവിടെ ഭീകരാക്രമണം നടന്നത്. ദേവാലയാക്രമണത്തില്‍ കൊല്ലപ്പെട്ട 114 പേരുടെ പേരുകളടങ്ങിയ ശിലാഫലകം ചടങ്ങില്‍ സ്ഥാപിച്ചു. കര്‍ദിനാള്‍ മാല്‍ക്കം രഞ്ജിത്ത് കൂദാശ കര്‍മ്മങ്ങള്‍ക്ക് കാര്‍മ്മികത്വം വഹിച്ചു.
മരണമടഞ്ഞവരുടെ ബന്ധുക്കള്‍ ഉള്‍പ്പടെ നിരവധി പേര്‍ ചടങ്ങില്‍ സംബന്ധിച്ചു. 1946 ല്‍ ആണ് സെന്റ് സെബാസ്റ്റ്യന്‍സ് ദേവാലയം നിര്‍മ്മിച്ചത്. ഭീകരാക്രമണത്തില്‍ ദേവാലയത്തിന് സാരമായ നാശനഷ്ടങ്ങളുണ്ടായിരുന്നു.
