യുക്രെയ്ന്‍: യുക്രെയ്‌നിലെ സെന്റ് നിക്കോളാസ് ദേവാലയത്തിന്റെ ഭിത്തി അലങ്കരിക്കുന്ന മാതാവിന്റെ ചിത്രത്തിന് പിന്നില്‍ അത്ഭുതകരമായ ഒരുകഥയുണ്ട്.
2021 സെപ്തംബറില്‍ ഈ ദേവാലയത്തിന് തീ പിടിച്ചു. ദേവാലയത്തിലുള്ള പല ഉപകരണങ്ങളും കത്തിനശിച്ചു. പക്ഷേ ഔര്‍ ലേഡി ഓഫ് ദ ഗേറ്റ് ഓഫ് ഡോണ്‍ എന്ന് അറിയപ്പെടുന്ന മാതാവിന്റെ ചിത്രത്തിന് യാതൊരു വിധത്തിലുള്ള പരിക്കും സംഭവിച്ചില്ല.
കാരണം അന്വേഷിച്ചപോലീസ് കണ്ടെത്തിയത് ഇലക്ട്രിക്കല്‍ സിസ്റ്റത്തിന് സംഭവി്ച്ച അപകടം മൂലമാണ് തീപിടുത്തം ഉണ്ടായതെന്നാണ്. ഓര്‍ഗണ്‍ റിഹേഴ്‌സല്‍ ഈ സമയം അവിടെ നടക്കുന്നുണ്ടായിരുന്നു.കാരണം എന്തുതന്നെയായാലും മാതാവിന്റെ ചിത്രത്തിന് തീപിടിക്കാതിരുന്നത് അത്ഭുതമായിട്ടാണ് വിശ്വാസികള്‍ കാണുന്നത്.ദൈവികഇടപെടലാണ് ചിത്രത്തെ രകഷിച്ചതെന്നാണ് വിശ്വാസികള്‍ ഒന്നട്ങ്കം വിശ്വസിക്കുന്നത്.
ഇപ്രകാരം തീപിടിത്തത്തില്‍ നിന്ന് രക്ഷപ്പെട്ട ഈ ചിത്രത്തിന്റെ ഓര്‍മ്മയ്ക്കായി കഴിഞ്ഞ ദിവസം യുക്രെയ്ന്‍ ആര്‍ച്ച് ബിഷപ് വിസ് വാല്‍ഡാസ് കുല്‍ബോക്കാസ് ദേവാലയത്തില്‍ വിശുദ്ധ കുര്‍ബാന അര്‍പ്പിച്ച് നന്ദി പ്രകാശിപ്പിച്ചു. കമ്മ്യൂണിസ്റ്റ് ഭരണകാലത്ത് 1938 വരെ ദേവാലയം അടച്ചിട്ടിരിക്കുകയായിരുന്നു.
