Related Posts
ഭോപ്പാല്‍: ഗോമാംസം വാഹനത്തില്‍ കടത്തിക്കൊണ്ടുപോയി എന്ന് ആരോപിച്ച് ആള്‍ക്കൂട്ടം മൂന്നുപേരെ ആക്രമിച്ച സംഭവം കിരാതമാണെന്നും സംസ്‌കാരസമ്പന്നമായ ഒരു സമൂഹത്തില്‍ ഇത്തരം പ്രവൃത്തികള്‍ അംഗീകരിക്കാനാവില്ലെന്നും ഭോപ്പാല്‍ ആര്‍ച്ച് ബിഷപ് ലിയോ കോര്‍ണേലിയോ. ഇന്ത്യയെ പോലെയുള്ള വിവിധ മതവിശ്വാസങ്ങളുടെ ഒരു ഭൂമികയില്‍ സമാധാനം ഉറപ്പുവരുത്തേണ്ടത് അത്യാവശ്യമാണെന്ന് അദ്ദേഹം പറഞ്ഞു.
സ്ത്രീയുള്‍പ്പടെ മൂന്നുപേരെ അഞ്ചംഗ സംഘം മരത്തില്‍ കെട്ടിയിട്ട് ആക്രമിച്ച സംഭവത്തോട് പ്രതികരിക്കുകയായിരുന്നു ആര്‍ച്ച് ബിഷപ്. 140 കിലോ ഗ്രാം ഗോമാംസം വാഹനത്തില്‍ കൊണ്ടുപോയി എന്ന് പറഞ്ഞായിരുന്നു ആക്രമണം. മാംസം ലബോട്ടറി പരിശോധനയ്ക്കായി കൊണ്ടുപോയിരിക്കുകയാണ്.
പ്രതികളും ഇരകളും ഇപ്പോള്‍ ജുഡീഷ്യല്‍ കസ്റ്റഡിയിലാണ്.
