Related Posts
നിക്കരാഗ്വ: ദീര്‍ഘനാളായുള്ള പ്രാര്‍ത്ഥനകള്‍ക്ക് സ്വര്‍ഗ്ഗത്തില്‍ നിന്ന് ഉത്തരം ലഭിച്ചു. നിക്കരാഗ്വയിലെ സേച്ഛാധിപത്യ ഭരണകൂടം അറസ്റ്റ് ചെയ്ത് തടങ്കലിലാക്കിയ രണ്ടു മെത്രാന്മാരെയും പതിനഞ്ച് വൈദികരെയും സെമിനാരി വിദ്യാര്‍ത്ഥികളെയും വിട്ടയച്ചു. ഇവരെ വത്തിക്കാന് കൈമാറുകയാണ് ചെയ്തതെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. രാജ്യത്തെ ക്രൈസ്തവര്‍ക്ക് ആശ്വാസവും സന്തോഷവും നല്കിയിരിക്കുന്ന വാര്‍ത്തയാണ് ഇത്. കടുത്ത ക്രൈസ്തവ വിരുദ്ധ നടപടികളുമായിട്ടാണ് കഴിഞ്ഞ ഏതാനും വര്‍ഷങ്ങളായി നിക്കരാഗ്വയിലെ ഡാനിയേല്‍ ഓര്‍ട്ടെഗയുടെ സേച്ഛാധിപത്യ ഭരണകൂടം മുന്നോട്ടുപോകുന്നത്.
