Related Posts
സിറിയ: ഫാ. ജാക്വസ് മൗറാദ് ആര്‍ച്ച് ബിഷപ്പായി അഭിഷിക്തനായി. 2015 ല്‍ ഐഎസ് ഭീകരവാദികള്‍ ഇദ്ദേഹത്തെ തട്ടിക്കൊണ്ടുപോയിരുന്നു. അഞ്ചുമാസത്തോളം തടവില്‍പാര്‍പ്പിച്ചതിന് ശേഷമാണ് ഇദ്ദേഹം മോചിതനായത്. സിറിയയിലെ ഹോംസ് രൂപതയുടെ ചുമതലക്കാരനായാണ് അഭിഷിക്തനായിരിക്കുന്നത്. മാര്‍ച്ച് മൂന്നിനായിരുന്നു മെത്രാഭിഷേകം.
ക്രിസ്തുവിശ്വാസം തള്ളിപ്പറയാത്തതിന്റെ പേരില്‍ ഫാ. ജാക്വസ് ഏറെ പീഡനങ്ങള്‍ക്ക് വിധേയനായിരുന്നു. പീഡനങ്ങളുടെ ഓരോ ദിവസവും താന്‍ ക്രി്‌സ്തുവിലേക്ക് കൂടുതല്‍ അടുക്കുകയായിരുന്നുവെന്നാണ് ഫാ.ജാക്വസ് അനുസ്മരിച്ചത്.
