ഭരണങ്ങാനം: ഇഷ്ടപ്പെട്ടവരെ മാത്രം സ്‌നേഹിക്കുന്നത് പരിധിയുള്ള സ്‌നേഹമാണ് എന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. വിശുദ്ധ അല്‍ഫോന്‍സാമ്മയുടെ തിരുനാള്‍ ദിനത്തില്‍ വിശുദ്ധ കുര്‍ബാന അര്‍പ്പിച്ച് സന്ദേശം നല്കുകയായിരുന്നു അദ്ദേഹം.
Related Posts
പരിധികളില്ലാതെ വ്യക്തികളെ സ്‌നേഹിച്ചവളായിരുന്നു അല്‍ഫോന്‍സാമ്മ. തന്നെ വേദനിപ്പിച്ചവരെയും കുറ്റം പറഞ്ഞവരെയുമെല്ലാം അല്‍ഫോന്‍സാമ്മ പരിധികളില്ലാതെ സ്‌നേഹിച്ചു. ഈശോയോടുള്ളസ്‌നേഹമാണ് അല്‍ഫോന്‍സാമ്മയെ അതിന് പ്രേരിപ്പിച്ചത്. പരിധിയില്ലാതെയും പരാതിയില്ലാതെയും അല്‍ഫോന്‍സാമ്മ സ്‌നേഹിച്ചു.
അതുകൊണ്ട് നാം അല്‍ഫോന്‍സാമ്മയോട് മാധ്യസ്ഥം യാചിച്ചാല്‍ മാത്രം പോരാ അല്‍ഫോന്‍സാമ്മയുടെ മാതൃകയും അനുകരിക്കണം. അദ്ദേഹം പറഞ്ഞു.
