ഇറ്റലി: ഇറ്റലിയിലെ ഏറ്റവും സുന്ദരനായി തിരഞ്ഞെടുക്കപ്പെട്ട മോഡലിംങ് താരം ഗ്ലാമര്ലോകം ഉപേക്ഷിച്ച് പൗരോഹിത്യജീവിതത്തിലേക്ക്. ഡാന്സറും സ്വീമ്മറും ആക്ടറുമായ എദോര്ദോ സാന് റ്റിനിയാണ് പുതിയ തിരഞ്ഞെടുപ്പിലൂടെ ഇറ്റലിയെയും ലോകത്തെ തന്നെയും ഞെട്ടിച്ചുകളഞ്ഞിരിക്കുന്നത്.
2019 ല് പതിനേഴാം വയസിലാണ് എദോര്ദോ ഇറ്റലിയിലെ ഏറ്റവും സുന്ദരനായി തിരഞ്ഞെടുക്കപ്പെട്ടത്. ഇപ്പോള് അദ്ദേഹത്തിന് 21 വയസാണ് പ്രായം പതിനേഴ് വയസുമുതല് ഗ്ലാമര്ലോകത്തിലെ മിന്നും താരമായിരുന്ന സാ്ന് റ്റിനി അതെല്ലാം ഉപേക്ഷിച്ചാണ് പൗരോഹിത്യജീവിതം തിരഞ്ഞെടുത്തിരിക്കുന്നത്.
ഒരു വൈദികനായിത്തീരുക എന്നത് ദൈവത്തിന്റെ പദ്ധതിയായിരുന്നുവെന്ന് സാന് റ്റിനി പറയുന്നു. ദൈവത്തില് ജീവിക്കുക എന്നത് ഒരുവന് തന്നെതന്നെ അടച്ചുപൂട്ടി ജീവിക്കുക എന്നതല്ല ഒരുവന് തന്റെ ജീവിതം കൂടുതലായി ദൈവത്തിന് വേണ്ടി ജീവിക്കുക എന്നതാണെന്നാണ് ഇദ്ദേഹത്തിന്റെ വിശ്വാസം.
വല്യമ്മ ഈ തീരുമാനത്തെ എതിര്ത്തിരുന്നതായും സാന് റ്റിനി അറിയിച്ചു. തന്റെ തീരുമാനം തന്നെ സന്തോഷവാനാക്കുന്നുവെന്നും സാന് റ്റിനി പറയുന്നു.