ബെന്യൂ: വിശുദ്ധവാരത്തില് ക്രൈസ്തവര്ക്ക് നേരെ നടന്ന ആക്രമണപരമ്പരയില് നൂറോളം മരണം. ഏപ്രില് രണ്ട് ഓശാന ഞായറാഴ്ച മുതല്ക്കാണ് നോര്ത്ത് സെന്ട്രല് നൈജീരിയായിലെ ബെന്യൂ സറ്റേറ്റില് ക്രൈസ്തവര്ക്ക് നേരെ ആക്രമണം ആരംഭിച്ചത്.
വിശ്വാസികളെയും പാസ്റ്ററെയും തട്ടിക്കൊണ്ടുപോകുകയും കൊച്ചുകുട്ടിയെ കൊല്ലുകയും ചെയ്തുകൊണ്ട് ആരംഭിച്ച ഈ ആക്രമണപരമ്പര മൂന്നു ദിവസങ്ങള്ക്ക് ശേഷം അമ്പതുപേരെ കൊന്നൊടുക്കിയതിലൂടെ കൂടുതല് അക്രമാസക്തമായി. കത്തോലിക്കാ വേരോട്ടമുള്ള വെസ്റ്റേണ് ബെന്യൂവിലായിരുന്നു ഈ അനിഷ്ടസംഭവം നടന്നത്.
ദു:ഖവെള്ളിയാഴ്ചയാണ് മൂന്നാം തവണ ആക്രമണമുണ്ടായത്. നൂറോളം ക്രൈസ്തവര് അഭയംപ്രാപിച്ചിരുന്ന എലിമെന്ററി സ്കൂള് ബില്ഡിംങ് റെയ്ഡ് ചെയ്ത അക്രമികള് ഡസണ് കണക്കിനാളുകളെ കൊന്നൊടുക്കി.
മുസ്ലീം മതവിശ്വാസികളാണ് അക്രമങ്ങള്ക്ക് പിന്നിലുള്ളത്. കൊല്ല്പ്പെടുമെന്ന ഭീതിയാല് രണ്ടു മില്യനോളം ആളുകളാണ് ബെന്യൂ സ്റ്റേറ്റില് നിന്ന് പലായനം ചെയ്തിരിക്കുന്നത്.