പ്രാര്ത്ഥനയുടെ മനുഷ്യനായിരുന്നു അന്തരിച്ച മുന് മുഖ്യമന്ത്രി ഉമ്മന്ചാണ്ടിയെന്ന് ബിഷപ് മാര് ജേക്കബ് മുരിക്കന്. പലപ്പോഴും അദ്ദേഹം തന്നെ പ്രാര്ത്ഥനാസഹായം ചോദിച്ചു വിളിക്കാറുണ്ടായിരുന്നു. രോഗാവസ്ഥയിലും ദൈവം തന്നെ സഹായിക്കും എന്ന പ്രത്യാശ അദ്ദേഹത്തിനുണ്ടായിരുന്നു. ദൈവവിചാരത്തില് പ്രവര്ത്തിച്ചിരുന്ന പൊതുപ്രവര്ത്തകനായിരുന്നു അദ്ദേഹം.
പൊതുപ്രവര്ത്തകര് എങ്ങനെയായിരിക്കണം എന്ന കാര്യത്തില് നല്ലൊരു ദര്ശനം അദ്ദേഹംകാഴ്ച വച്ചിരുന്നു. പതിനേഴ് വര്ഷമായി ഉമ്മന്ചാണ്ടിയുമായി തനിക്ക് അടുത്തബന്ധം ഉണ്ടായിരുന്നതായും മാര് മുരിക്കന് അറിയിച്ചു. വ്യക്തിപരമായി അടുത്ത സൗഹൃദബന്ധം അദ്ദേഹവുമായി കാത്തുസൂക്ഷിക്കാനും കഴിഞ്ഞിട്ടുണ്ട്.