കാലിഫോര്‍ണിയായില്‍ ലൂര്‍ദ് മാതാവിന്റെയും ഫാത്തിമാ മാതാവിന്റെയും രൂപങ്ങളുടെ തല വെട്ടി


കാലിഫോര്‍ണിയ: പോമോനാ വാലിയില്‍ പരിശുദ്ധ കന്യാമറിയത്തിന്റെ രണ്ടു രൂപങ്ങള്‍ തല വെട്ടിയ നിലയില്‍ കണ്ടെത്തി. ചിനോയില്‍ വിശുദ്ധ മാര്‍ഗററ്റ് മേരി ദേവാലയത്തിലെ ഫാത്തിമാമാതാവിന്റെ രൂപമാണ് ഏറ്റവും ഒടുവിലായി ആക്രമിക്കപ്പെട്ട നിലയില്‍ കണ്ടെത്തിയത്.

മാര്‍ച്ച് 30 നാണ് ഈ ആക്രമണം നടന്നത്. ഏതൊരു വിശ്വാസിയുടെയും ഹൃദയം തകരത്തക്ക രീതിയിലാണ് മാതാവിന്റെ രൂപത്തിന് നേരെ ആക്രമണം നടന്നിരിക്കുന്നത്. അതുകൊണ്ട് ദേവാലയ അധികൃതര്‍ ഈ രൂപം ഇപ്പോള്‍ മറച്ചുവച്ചിരിക്കുകയാണ്.

ഫെബ്രുവരി 25 നാണ് ഇതിന് മുമ്പ് മാതാവിന്റെ രൂപത്തിന് നേരെ ആക്രമണം നടന്നത്. മോണ്ട് ക്ലെയറിലെ ലൂര്‍ദ്ദ്മാതാവിന്റെ രൂപമാണ് ഇവിടെ തകര്‍ക്കപ്പെട്ടത്. രണ്ട് ആക്രമണങ്ങളുടെയും സ്വഭാവം ഒന്നുപോലെയായതിനാല്‍ അക്രമി ഒരാള്‍ തന്നെയാണ് എന്നാണ് സംശയിക്കുന്നത്.



മരിയന്‍ പത്രത്തിന്‍റെ ഉള്ളടക്കത്തെക്കുറിച്ചുള്ള വ്യക്തിപരമായ വിമര്‍ശനങ്ങളും വിലയിരുത്തലുകളും നിങ്ങള്‍ക്ക് താഴെ രേഖപ്പെടുത്താവുന്നതാണ്. അഭിപ്രായങ്ങള്‍ മാന്യവും സഭ്യവും ആയിരിക്കാന്‍ ശ്രദ്ധിക്കുമല്ലോ. വ്യക്തിപരമായ അഭിപ്രായപ്രകടനങ്ങളുടെ മേല്‍ മരിയന്‍ പത്രത്തിന് ഉത്തരവാദിത്തം ഉണ്ടായിരിക്കുകയില്ല.