കൊളംബോ: കഴിഞ്ഞ ഞായറാഴ്ചയിലേതുപോലെ ഇന്നലെയും ശ്രീലങ്കയിലെ കത്തോലിക്കര്‍ ടെലിവിഷനിലൂടെ വിശുദ്ധ കുര്‍ബാനയില്‍ പങ്കെടുത്തു. കൊളംബോ ആര്‍ച്ച് ബിഷപ് കര്‍ദിനാള്‍ മാല്‍ക്കം രഞ്ജിത്തിന്റെ സ്വകാര്യചാപ്പലില്‍ അര്‍പ്പിച്ച ദിവ്യബലിയാണ് ഇന്നലെ സംപ്രേഷണം ചെയ്തത്.
Related Posts
കഴിഞ്ഞ ഞായറാഴ്ച പ്രമുഖ വ്യക്തികള്‍ കുര്‍ബാനയില്‍ പങ്കെടുത്തിരുന്നുവെങ്കില്‍ ഇന്നലെ വൈദികരും കന്യാസ്ത്രീകളും മാത്രമാണ് പങ്കെടുത്തത്. ദിവ്യബലിയുടെ അവസാനം ഫ്രാന്‍സിസ് മാര്‍പാപ്പയുടെ സന്ദേശവും വായിക്കുകയുണ്ടായി.
ഇന്നലെ മുതല്‍ ദേവാലയങ്ങളില്‍ വിശുദ്ധ കുര്‍ബാനകള്‍ അര്‍പ്പിക്കപ്പെടുമെന്ന് അറിയിച്ചിരുന്നതാണെങ്കിലും ഭീകരാക്രമണഭീഷണി തുടര്‍ന്നും നിലനില്ക്കുന്നുണ്ടെന്ന അറിയിപ്പിനെതുടര്‍ന്നാണ് കുര്‍ബാനകള്‍ക്ക് മുടക്കം വരുത്തിയത്.
