ഇത്തവണത്തെ ലോകയുവജനസംഗമത്തിന്റെ പേട്രണ്‍ സെയ്ന്റസ് 13 പേരാണ്. ഇതില്‍ ഒന്നാമത്തെ ആള്‍ ജോണ്‍ പോള്‍ രണ്ടാമനാണ്. ലോകയുവജനസംഗമത്തിന് തുടക്കം കുറിച്ചത് ജോണ്‍ പോള്‍ പാപ്പയാണ്. യുവജനങ്ങള്‍ക്കിടയില്‍ പ്രവര്‍ത്തിച്ച വിശുദ്ധ ഡോണ്‍ ബോസ്‌ക്കോയാണ് രണ്ടാമത്തെയാള്‍. അധികമാരും കേട്ടിട്ടില്ലാത്ത ഒരു വിശുദ്ധനാണ് സരാഗോസയിലെ വി. വിന്‍സെന്റ്.
ലിസ്ബണ്‍ രൂപതയുടെ പേട്രണ്‍ സെയ്ന്റ് കൂടിയാണ് ഇദ്ദേഹം. പ്രശസ്തനും അത്ഭുതപ്രവര്‍ത്തകനുമായ വിശുദ്ധ അന്തോണിയാണ് മറ്റൊരാള്‍. വിശുദ്ധ ജോണ്‍ഡി ബ്രിട്ടോ, രക്തസാക്ഷിയായ വിശുദ്ധ ബര്‍ത്തലോമിയോ, പോര്‍ച്ചുഗല്ലിലെ വാഴ്ത്തപ്പെട്ട ജോവന്ന, വാഴ്ത്തപ്പെട്ട ജാവോ ഫെര്‍ണാണ്ടസ്, വാഴ്ത്തപ്പെട്ട മരിയ ക്ലാര ഓഫ് ചൈല്‍ഡ് ജീസസ്, വാഴ്്ത്തപ്പെട്ട പീയര്‍ ജിയോര്‍ജിയോ ഫ്രാസറ്റി, വാഴ്ത്തപ്പെട്ട മാര്‍സെല്‍ കാലോ, ചിയറാ ബഡാനോ, കാര്‍ലോ അക്യൂട്ടീസ് എന്നിവരാണ് മറ്റ് പേട്രണ്‍ സെയ്ന്റ്‌സ്.
