ഘാന: നാഷനല്‍ സ്‌കൂള്‍ കരിക്കുലത്തില്‍ നിന്ന് സെക്‌സ് എജ്യൂക്കേഷന്‍ പ്രോഗ്രാം നീക്കം ചെയ്യണമെന്ന് ആവശ്യപ്പെട്ട് കത്തോലിക്കാ അധ്യാപകര്‍. ഗവണ്‍മെന്റിനോട് ഇക്കാര്യം ബിഷപ്‌സ് കോണ്‍ഫ്രന്‍സും മുസ്ലീം സംഘടനകളും ആവശ്യപ്പെട്ടിട്ടുണ്ട്. യുനെസ്‌ക്കോയുടെ ആഭിമുഖ്യത്തില്‍ ഈ വര്‍ഷം മുതല്ക്കാണ് ലൈംഗികവിദ്യാഭ്യാസം സ്‌കൂളുകളില്‍ പാഠ്യവിഷയമാകുന്നത്.
2020 മുതല്‍ അഞ്ചും അതിനും മീതെപ്രായമുള്ള എല്ലാ വിദ്യാര്‍ത്ഥികളെയും ഈ പാഠ്യപദ്ധതിയില്‍ ഉള്‍പ്പെടുത്താനാണ് ഘാന ഗവണ്‍മെന്റിന്റെ നീക്കം. ഇതിനെതിരെയാണ് അധ്യാപകരും മതസംഘടനകളും രംഗത്ത് വന്നിരിക്കുന്നത്.
ഘാന സംസ്‌കാരത്തിന് വിരുദ്ധമാണ് ഇതെന്നാണ് ഇവരുടെ വാദം. സ്വീഡനും അയര്‍ലണ്ടുമാണ് ഈ പാഠ്യപദ്ധതിക്കു വേണ്ടി ഫണ്ട് നല്കുന്നത്. പ്രത്യുല്പാദനപരമായ ആരോഗ്യം, ലിംഗം, വിദ്യാഭ്യാസം, ലൈംഗികത എന്നിവ മെച്ചപ്പെടുത്തുകയാണ് പ്രോഗ്രാമിന്റെ ലക്ഷ്യം.
