നിക്കരാഗ്വ:കത്തോലിക്കാസഭയ്ക്കെതിരെയുളള ഡാനിയേല് ഓര്ട്ടെഗയുടെ കിരാത നടപടികള്ക്ക് ഏറ്റവും പുതുതായി ഇരയായിരിക്കുന്നത് ക്ലരീഷ്യന് വൈദികന് ഡൊണാഷ്യാനോ അലാര്കോണ്. വിശുദ്ധവാരത്തില് തിരുക്കര്മ്മങ്ങള്ക്കും പ്രദക്ഷിണങ്ങള്ക്കും വിലക്കേര്പ്പെടുത്തിയ ഭരണകൂടം ഫാ. ഡൊണാഷ്യാനോയെ രാജ്യത്ത് നിന്ന് പുറത്താക്കുകയും ചെയ്തിരിക്കുന്നു.
പനാമ സ്വദേശിയാണ് 49 കാരനായ വൈദികന്. ഗവണ്മെന്റ് വിലക്കിയ വിശുദ്ധവാര പ്രദക്ഷിണങ്ങള് നടത്താന് തീരുമാനിക്കുകയുംസംഘടിപ്പിക്കാന് ശ്രമിക്കുകയും ചെയ്തു എന്നതിന്റെ പേരിലാണ് ഉടുവസ്ത്രം മാത്രമായി വൈദികനെ നാടുകടത്തിയിരിക്കുന്നതെന്ന് മാധ്യമങ്ങള് റിപ്പോര്ട്ട് ചെയ്യുന്നു. ഹോമിലികളില് രാജ്യത്തിലെ രാഷ്ട്രീയത്തെയും അദ്ദേഹം വിമര്ശിക്കാറുണ്ടായിരുന്നു.