നൈജീരിയ: ക്യൂന്‍ ഓഫ് അപ്പോസ്റ്റല്‍സ് സെമിനാരി വൈസ് റെക്ടര്‍ ഫാ. അരിന്‍സെ മാഡുവിനെ ഭീകരര്‍ തട്ടിക്കൊണ്ടുപോയി. എന്നാല്‍ രണ്ടുദിവസം കഴിഞ്ഞപ്പോള്‍ അദ്ദേഹത്തെ വിട്ടയച്ചു. നൈജീരിയായില്‍ വൈദികര്‍ക്ക് നേരെ നടക്കുന്ന ആക്രമണങ്ങളില്‍ ഏറ്റവും ഒടുവില്‍ റിപ്പോര്‍ട്ട് ചെയ്തിരിക്കുന്നതാണ് ഈ സംഭവം.
അജ്ഞാതനായ തോക്കുധാരി വൈകുന്നേരം ആറുമണിയോടെ അദ്ദേഹത്തെ ബലമായി കൂട്ടിക്കൊണ്ടുപോകുകയായിരുന്നുവെന്ന് സെമിനാരി വൃത്തങ്ങള്‍ അറിയിച്ചു. പരിക്കുകളൊന്നും കൂടാതെയാണ് വൈദികനെ വിട്ടയച്ചത്.
എങ്കിലും തട്ടിക്കൊണ്ടുപോയവരെക്കുറിച്ചുള്ള അന്വേഷണങ്ങള്‍ പുരോഗമിച്ചുകൊണ്ടിരിക്കുകയാണ്. ഫാ. ഓഫു തോ്ക്കുധാരിയാല്‍ കൊല്ലപ്പെട്ടിട്ട് രണ്ടുമാസം കഴിഞ്ഞപ്പോഴാണ് ഫാ. അരിന്‍സെയെ തട്ടിക്കൊണ്ടുപോയത്.
ഈ വര്‍ഷം മാത്രമായി നൈജീരിയായിലെ എനുഗുവില്‍ നിന്ന് നിരവധി വൈദികരെ തട്ടിക്കൊണ്ടുപോകുകയോ കൊലപ്പെടുത്തുകയോ ചെയ്തിട്ടുണ്ട്.
