വത്തിക്കാന്‍ സിറ്റി: ദക്ഷിണസുഡാന്‍ പ്രസിഡന്റ് സല്‍വാ ഖീറും വിമത നേതാവ് റെയ്ക് മച്ചാറും വത്തിക്കാനില്‍ ധ്യാനത്തില്‍ പങ്കെടുക്കുന്നു. അഞ്ചുവര്‍ഷം നീണ്ടുനിന്ന ആഭ്യന്തരയുദ്ധം അവസാനിപ്പിച്ച് സമാധാനം പുനസ്ഥാപിക്കുന്നതിന്റെ ഭാഗമായിട്ടാണ് ഇരുവരും ധ്യാനത്തില്‍ പങ്കെടുക്കുന്നത്.
മുന്‍വൈസ് പ്രസിഡന്റ്, പ്രമുഖ സഭാ രാഷ്ട്രീയ നേതാക്കള്‍ തുടങ്ങിയവരും ഈ ധ്യാനത്തില്‍ പങ്കെടുക്കും. ഇന്ന് ആരംഭിക്കുന്ന ധ്യാനത്തില്‍ കാന്റര്‍ബെറി ആര്‍ച്ച് ബിഷപ് ജസ്റ്റിന്‍ വെല്‍ബി സന്ദേശം നല്കും. നാളത്തെ ധ്യാനം സമാപിക്കുമ്പോള്‍ ഫ്രാന്‍സിസ് മാര്‍പാപ്പ സന്ദേശം നല്കും.
രാഷ്ട്രീയപരം എന്നതിനെക്കാള്‍ സഭാപരമായി കൂടി ഈ ധ്യാനത്തിന് പ്രാധാന്യമുണ്ട്. ആംഗ്ലിക്കന്‍ സഭയും കത്തോലിക്കാസഭയും തമ്മിലുള്ള ബന്ധം വര്‍ദ്ധിപ്പിക്കുന്നതിനുള്ള മാര്‍ഗ്ഗം കൂടിയാണ് ഇത്.
ധ്യാനത്തില്‍ പങ്കെടുക്കുന്നവര്‍ക്കെല്ലാം മാര്‍പാപ്പയും ആര്‍ച്ച് ബിഷപ് ജസ്റ്റിന്‍ വെല്‍ബിയും സ്‌കോട്ട് ലാന്റിലെ മുന്‍ പ്രിസ്ബറ്റേറിയന്‍ സഭാ മോഡറേറ്റര്‍ റവ. ജോണ്‍ ചാമേഴ്‌സും ഒപ്പുവച്ച ബൈബിളുകള്‍ സമ്മാനിക്കും.
