ന്യൂഡല്ഹി: ശ്രീലങ്കയിലെ ഭീകരാക്രമണങ്ങളുടെ പശ്ചാത്തലത്തില് ഡല്ഹിയില് ദേവാലയങ്ങളുടെ സുരക്ഷ ശക്തമാക്കി. ഡല്ഹിയില് ചെറുതും വലുതുമായി ഇരുനൂറ് ദേവാലയങ്ങളുണ്ടെന്ന് ഡല്ഹി അതിരൂപത വക്താവ് ഫാ. സവാരിമുത്തു ശങ്കര് പറഞ്ഞു.
Related Posts
സേക്രട്ട് ഹാര്ട്ട് കത്തീഡ്രല്, കത്തീഡ്രല് ചര്ച്ച് ഓഫ് റിഡംപ്ഷന് , സെന്റ് ജെയിംസ് ചര്ച്ച്, സെന്റ് തോമസ് ചര്ച്ച്, സെന്ട്രല് ബാപ്റ്റിസ്റ്റ് ചര്ച്ച്, ട്രിനിറ്റി ചര്ച്ച് എന്നിവയാണ് ഇതില് പ്രധാനപ്പെട്ട ദേവാലയങ്ങള്. 80 % കത്തോലിക്കരും ഡല്ഹിയിലുണ്ട്.
2015 ല് ദേവാലയ ആക്രമണങ്ങള് നടന്നപ്പോള് മുതല് ക്രൈസ്തവന്യൂനപക്ഷങ്ങളുടെ സ്ഥാപനങ്ങളുടെ സുരക്ഷ ഉറപ്പുവരുത്തുന്നതില് ഉദ്യോഗസ്ഥര് പ്രതിജ്ഞാബദ്ധരാണ്. സിസിടിവികളും സ്കാനര് മെഷിനുകളും ഇതര സുരക്ഷാ ഉപകരണങ്ങളും പല ദേവാലയങ്ങളിലുമുണ്ട്.
