വത്തിക്കാന്‍ സിറ്റി: വത്തിക്കാനെ ഞെട്ടിച്ചുകൊണ്ട് സെന്റ് പീറ്റേഴ്‌സ് ബസിലിക്കയുടെ പ്രധാന അള്‍ത്താരയില്‍ നഗ്നമനുഷ്യന്‍. സുരക്ഷാ സംവിധാനങ്ങളെ വെല്ലുവിളിച്ചുകൊണ്ടാണ് ഈ സംഭവം നടന്നത്. ജൂണ്‍ ഒന്നിന് ബസിലിക്ക അടഞ്ഞുകിടന്ന സമയത്തായിരുന്നു ഈ അനിഷ്ടസംഭവം നടന്നത്.
Related Posts
യുക്രെയ്‌നിലെ കുട്ടികളെ രക്ഷിക്കുക എന്ന് അയാള്‍ പിന്‍വശത്ത് എഴുതിയിട്ടുണ്ടായിരുന്നു. പോളണ്ടുകാരനാണ് ഇയാള്‍ എന്നല്ലാതെകൂടുതല്‍ വിവരങ്ങള്‍ പുറത്തുവന്നിട്ടില്ല. ഇറ്റാലിയന്‍ പോലിസ് കസ്റ്റഡിയിലാണ് ഇയാള്‍.
മാര്‍പാപ്പമാര്‍ ദിവ്യബലി അര്‍പ്പിക്കുന്ന അള്‍ത്താരയാണ് ഇത്. ഈ അനിഷ്ടസംഭവം നടന്നതിന് ശേഷം സെന്റ് പീറ്റേഴ്‌സ് ബസിലിക്ക ആര്‍ച്ച് പ്രീസ്റ്റിന്റെ മുഖ്യകാര്‍മ്മികത്വത്തില്‍ പരിഹാരകര്‍മ്മങ്ങള്‍ നിര്‍വഹിച്ചു. കാനോന്‍ നിയമം അനുസരിച്ചുള്ള പരിഹാരപ്രവൃത്തികളാണ് അനുഷ്ഠിച്ചത്.
